கு.ஜ.மு.க உடையுமா?

கு.ஜ.மு.க பொதுச் செயலாளர் குடுகுடுப்பை அவர்களுக்கும் தளபதி நசரேயனுக்கும் நடக்கும் அறிக்கைப் போர் அனைவரும் அறிந்ததே. இதில் கட்சியின் மூன்றாவது உறுப்பினரான அது சரி நசரேயன் பின்னால் கொடி பிடிக்கிறார். இதனால் குடுகுடுப்பையின் தலைமைக்கு ஆப்பு என்று எதிர்கட்சியினர் எள்ளல் செய்து வருகின்றனர்.

இதற்கு முன்னதாக கட்சியின் மூத்த உறுப்பினர் பழமை பேசியை குடுகுடுப்பை வம்புக்கு இழுத்தது நினைவிருக்கலாம். இப்போது அவரும் நசரேயனின் பின்னால் அணி சேர்ந்தால் குடுகுடுப்பை கட்சியை விட்டு நீக்கப்படுவது கிட்டத்தட்ட உறுதியாகிவிடும். இதைப் பற்றி பிரபலங்களின் கருத்தை அறிய முற்பட்டோம்.

பழமை பேசி: ஏனுங். நாம்பாட்டுக்கு இந்தியாவுல சுத்திப் பாத்துட்டு இருக்கேனுங். நம்மள எதுக்குங் அவரு வம்புக்கு இழுக்கனுங். கவுண்டமணி அண்ணன் மாரி நானு தொப்பி போட் மறைச்சிக்குட்டிருக்கேன்னு சொல்லாம சொல்லிட்டாருங். இத நா சும்மா விடமாட்டேங்.

வானம்பாடிகள்: அடங்கொய்யால. இலங்கைலதான் பிச்சயும் சரத்தும் பன்னாட மாதிரி அடிச்சிக்கிறாங்கன்னா, இவங்களும் எதுக்குய்யா அடிச்சிக்கிறாங்க. பேசாம நாம கட்சியில சேந்து அதக் கைப்பத்திர வேண்டியதுதான்.

கலகலப்ரியா:
எடுத்த அம்பு
எய்யும் முன்
எதிர் பாய்ந்தது

ஏளனம் செய்ததும்
எள்ளி நகையாடியதும்
எதிர்வினையாய்

கூடி நின்று
கைதட்டியவர்
இன்று
பின்னிருந்து
பதம் பார்க்கிறார்

செய்தவினை
மறுமையிலன்று
இம்மையில்
இப்போதே..

(எல் போர்டு: என்ன சொல்றாங்கன்னே புரியலையே?)

சின்ன அம்மிணி: நாங்க என்னிக்கும் தளபதி பக்கம்தான். தளபதி தனிக்கட்சி ஆரம்பிச்சா குஜமுக ஆஸி-நியூஸி கிளையைக் கலைச்சிட்டு சேந்திருவோம்.

சந்தன முல்லை: அவ்வ்வ்வ்வ்... இலக்கியவாதி சண்டை இப்பிடி உட்கட்சி பூசலா வெடிக்கும்னு நான் எதிர்பார்க்கலை

முகிலன்: கட்சியின் உறுப்பினர்களிடையே கருத்து வேறுபாடு இருப்பதென்பது என்னவோ உண்மைதான். ஆனால் அது உட்கட்சிப் பூசல் இல்லை. கட்சி உடையப் போகிறது என்பதெல்லாம் எதிர்க்கட்சிகள் பரப்பும் புரளி. கு.ஜ.மு.க கட்சிக்குப் பெருகி வரும் மக்கள் ஆதரவை விரும்பாத ஆளுங்கட்சியும் மற்ற எதிர்கட்சிகளும் கூட்டுச் சேர்ந்து செய்யும் சதி. இந்தப் பரபரப்பையே நாங்கள் எங்கள் கட்சியின் வளர்ச்சிக்கு சாதகமாக்கி 2011ல் ஆட்சியைக் கைப்பற்றுவோம்.

இறுதியாக வந்த தகவலின் படி, குடுகுடுப்பையையும் நசரேயனையும் சமாதானம் செய்வதற்காக முகிலனின் தலைமையில் ஒரு குழு முயற்சி செய்து வருகிறது. கூடிய விரைவில் குடுகுடுப்பையும் நசரேயனும் கைகோர்த்து காட்சி தருவார்கள் என்று தெரிகிறது.